ᑭᑑᖕᒪᖔᑉᑕ ᐊᒪᓗ ᖃᓄᐃᓕᐅᖃᑦᑕᕐᒪᖔᑉᑕ

ᑭᕙᓪᓕᕐᒥᑦ ᐅᔭᕋᒃᑕᕆᐊᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᕐᒧᑦ ᑲᑐᔾᔨᖃᑎᒌᑦ ᐃᓅᔪᓄᑦ ᐊᐅᓚᑦᑕᐅᑉᓗᓂ ᑲᑐᔾᔨᖃᑎᒌᖑᔪᖅ.

ᑭᕙᓪᓕᕐᒥᑦ ᐅᔭᕋᒃᑕᕆᐊᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᕐᒧᑦ ᑲᑐᔾᔨᖃᑎᒌᑦ ᐱᙳᖅᑎᑕᐅᓚᐅᖅᑐᖅ ᑭᕙᓪᓕᕐᒥᑦ ᐱᓕᕆᐊᒃᓴᖅᑕᖃᒃᑲᓐᓂᓕᖁᑉᓗᒍ.

ᑕᐃᒪᓐᓇᐃᓕᐅᖃᑦᑕᖅᑐᒍᑦ ᓴᖅᑭᑎᕆᓂᒃᑯᑦ ᐊᒪᓗ ᑮᓇᐅᔭᖃᖅᑎᖢᒋᑦ ᐃᓕᓐᓂᐊᓂᕐᒧᑦ ᐱᕕᖃᕐᓂᐅᔪᑦ 7-ᖑᔪᓄᑦ ᓄᓇᓕᖕᓄᑦ ᑭᕙᓪᓕᕐᒥᑦ. ᖃᐅᔨᒃᑲᓐᓂᕆᑦ ᖃᓄᐃᑐᓂᒃ ᐃᓕᓐᓂᐊᖅᑎᑦᑎᓂᕐᓂᒃ ᒪᓂᒪᑎᑦᑎᖃᑦᑕᕐᒪᖔᑉᑕ ᐱᓕᕆᐊᑎᒍᑦ

ᖃᓄᖅ ᐃᓚᐅᖃᑕᐅᓕᕐᓂᖅ:

ᐱᓕᕆᑎᑦᑎᔨᐅᕖᑦ ᐱᓕᕆᔨᒃᓴᖅᑖᕈᒪᑉᓗᑎᓪᓗ?

ᖃᐅᔨᒋᐊᕐᕕᒋᔪᖕᓇᖅᑕᑎᑦ (KMTS)-ᑯᑦ ᐃᓚᐅᖃᑕᐅᓂᕐᒧᑦ ᐊᔪᙱᓐᓂᐅᔪᑦ ᐱᕕᖃᕐᓂᕐᒧᓪᓗ ᑐᕌᖓᔪᓄᑦ.  ᐃᓚᐅᖃᑕᐅᔪᑦ ᓯᑕᒪᓄᑦ ᓴᓇᑦᑕᐃᓕᐊᕈᓯᕐᓂᑦ ᐱᓕᕆᖃᑎᖃᕈᖕᓇᖅᑐᑦ ᐃᓕᖕᓂᒃ, ᐃᒡᕕᑦ ᐃᓕᓐᓂᐊᖅᑎᐅᔭᕐᓗᒋᑦ!  (KMTS)-ᑯᑦ ᑐᓂᓯᓂᐊᖅᑐᑦ ᑮᓇᐅᔭᓕᐊᖑᓂᐊᖅᑐᓂᒃ.

ᖃᐅᔨᑎᓐᓂᐊᖅᐸᑉᑎᒍᑦ ᐱᓕᕆᐊᒃᓴᓂᒃ ᐅᒃᑯᐃᖓᔪᖃᕈᑉᓯ.  ᐊᐅᓚᑦᑎᔪᖕᓇᖅᑐᒍᑦ ᐃᓚᐅᖃᑕᐅᔪᓂᒃ ᐊᒻᒪᓗ ᐃᑲᔪᕐᓗᓯ ᓇᓂᓯᔾᔪᑎᓗᓯ ᐃᓄᖕᓂᒃ.

ᐃᑲᔪᕐᓚᑉᓯ ᐃᓕᓐᓂᐊᕈᒪᔭᑉᓯᖕᓂᒃ!  ᐱᓕᕆᖃᑎᖃᖃᑦᑕᖅᑐᒍᑦ ᐱᓕᕆᑎᑦᑎᖃᑦᑕᖅᑐᓂᒃ ᐃᑲᔪᐃᓂᕐᒧᑦ ᐱᓕᕆᔨᖏᓐᓂᒃ ᐱᓕᕆᐊᒃᓴᖅᑖᕐᓂᕐᒧᑦ ᐃᓕᓐᓂᐊᖅᑎᓪᓗᒋᑦ.

ᐅᖃᓗᒡᓗᑎᑦ ᐅᕝᕙᓘᓃᑦ ᕿᒪᐃᓗᓯ ᐅᖃᐅᓯᑉᓯᖕᓂᒃ, ᓱᓇᑦ ᐱᖅᑲᐅᑕᐅᔭᕆᐊᖃᖅᐱᓯᐅᒃ, ᑭᕙᓪᓕᕐᒧᑦ?

ᑭᒡᒐᖅᑐᐃᕖᑦ ᓄᓇᓕᖕᒥᑦ ᐅᕙᓘᓃᑦ ᓄᓇᓕᖕᒥᑦ ᑲᑐᔾᔨᖃᑎᒌᓂᑦ?

(KMTS)-ᑯᑦ ᐃᑲᔪᕈᖕᓇᖅᑐᑦ ᓄᓇᓕᖕᒥᑦ ᐱᔨᑦᑎᕋᐃᓂᖃᖅᑐᓄᑦ ᐱᓕᕆᐊᓂᒃ ᐱᓕᕆᓂᑯᖃᕐᓂᖃᑦᑎᐊᖅᑐᓂᒃ ᐱᑎᓪᓗᒋᑦ ᐃᓚᐅᖃᑕᐅᔪᖁᑎᖏᑦ.  ᐱᓕᕆᑎᑦᑎᔨᙳᕐᓗᑎᑦ, (KMTS)-ᑯᑦ ᑮᓇᐅᔭᓕᐅᖅᑎᑦᑎᖃᑕᐅᓗᑎᒃ ᐊᒪᓗ ᒥᐊᓂᖅᓯᔨᐅᓗᑎᒃ.

(KMTS)-ᑯᑦ ᐃᑲᔪᐃᔪᖕᓇᖅᑐᑦ ᓄᓇᓕᖕᒥᑦ ᐱᓕᕆᖃᑕᐅᓂᕐᒧᑦ ᐃᑲᔪᕐᓂᐊᕐᓗᒍ ᓄᓇᓖᑦ ᑲᑎᓐᓂᕐᒧᑦ ᐊᒪᓗ ᐊᑑᑎᖃᒃᑲᓐᓂᕐᓂᖅᓴᐅᓗᑎᒃ ᐊᒥᓱᙳᖅᐸᓪᓕᐊᔪᑦ ᐃᓄᐃᑦ ᐃᓕᓐᓂᐊᖅᑎᓪᓗᒋᑦ ᐱᓕᕆᑎᓪᓗᒋᓪᓗ. ᓲᕐᓗ (KMTS)-ᑯᑦ ᐃᑲᔪᖅᑐᐃᔪᑦ ᖃᑕᙳᑎᒌᓄᑦ ᐃᑲᔪᖃᑕᐅᓂᕐᒧᑦ ᑐᕌᖓᔪᖅ-ᒥᑦ ᐃᑲᔪᖅᖢᒋᑦ ᖃᑕᙳᑎᒌᑦ ᐊᒃᓱᕈᕐᓇᖅᑑᑎᓪᓗᒍ ᐊᐅᓚᖃᑦᑕᕆᐊᖃᕐᓂᖅ, ᐅᑎᕐᓗᑎᒡᓗ ᐊᖏᕐᕋᒧᑦ ᐃᓇᖐᔭᕆᐊᖃᖃᑦᑕᕐᓂᖅ ᐱᔾᔪᑎᒋᑉᓗᒍ.

ᐱᓕᕆᐊᒃᓴᒥᒃ ᕿᓂᖅᐲᑦ ᐅᕙᓘᓐᓃᑦ ᐱᐅᓯᒋᐊᑲᓐᓂᕈᒪᕕᒋᑦ ᐊᔪᙱᓐᓂᕆᔭᑎᑦ?

ᐃᑲᔪᖅᑕᐅᔪᒪᑉᓗᑎᑦ ᕿᓂᖅᐲᑦ ᓇᓂᓯᔪᒪᒧᑦ ᐱᓕᕆᐊᒥᒃ ᐱᓕᕆᕝᕕᒌᓐᓇᕐᓂᐊᖅᑕᕐᓂᒃ, (KMTS)-ᑯᑦ ᐊᔪᙱᓐᓂᐅᔪᑦ ᐱᕕᖃᕐᓂᕐᒧᓪᓗ ᑐᕌᖓᔪᓄᑦ ᐃᓕᓐᓂᐊᖅᑎᑦᑎᖃᑦᑕᖅᑐᑦ ᐱᓕᕆᓂᑯᖃᓕᖅᑎᓪᓗᑎᓪᓗ ᐱᓕᕆᐊᒃᓴᖅᑖᖅᑎᓪᓗᑎᑦ ᐱᓕᕆᕝᕕᒌᓐᓇᐅᔭᕐᓂᐊᖅᑕᕐᓂᒃ.

ᐱᐅᓯᕚᓪᓕᖅᑎᑦᑐᒪᕕᒋᑦ ᐊᔪᖏᓐᓂᕆᔭᑎᑦ, (KMTS)-ᑯᑦ ᐃᓕᓐᓂᐊᖅᑕᐅᔪᓂᒃ ᒪᓂᒪᑎᑦᑎᔪᑦ ᐱᔭᐅᔪᒪᔪᓄᑦ ᑕᒫᓂ: ᓲᕐᓗ ᓂᐱᐅᓯᖅᑐᐃᔨ, ᐊᖁᓐᓂᕐᒧᑦ ᐃᓕᓐᓂᐊᕐᓂᖅ, ᓄᓇᒃᑰᕈᑎᕐᔪᐊᓂᒃ ᐊᖁᑎᐅᓂᕐᒧᑦ.

ᐱᓕᕆᐊᖃᓕᕐᓂᕐᒧᑦ ᐃᓕᓐᓂᐊᕐᓗᑎᑦ, (KMTS)-ᑯᑦ ᐃᑲᔪᐃᖃᑦᑕᖅᑐᑦ ᐱᓕᕆᐊᒃᓴᖅᑖᕐᓂᕐᒧᑦ ᐃᓕᓐᓂᐊᕈᑎᓂᒃ ᐸᕐᓇᖕᓂᕐᒧᑦ ᐱᓕᕆᐊᒃᓴᓄᑦ ᐆᒃᑐᕋᐅᑎᓄᑦ ᐃᓕᓐᓂᐊᕐᓂᒃᑯᑦ.

ᑎᒥᒃᑯᑦ ᐊᔪᕈᑎᖃᖅᐱᑦ ᑐᓗᖅᑕᕈᑕᐅᑉᓗᓂ ᐱᓕᕆᐊᖅᑖᕈᖕᓇᕐᓂᕐᒧᑦ ᐃᓕᓐᓂᐊᕐᓂᕐᒧᓪᓘᓃᑦ?

(KMTS)-ᑯᑦ ᑎᒥᒃᑯᑦ ᐊᔪᕈᑎᖃᖅᑐᓂᒃ ᐃᑲᔪᐃᖃᑦᑕᖅᑐᑦ ᐃᓕᖕᓄᑦ ᐅᕙᓘᓃᑦ ᐱᓕᕆᔨᒧᑦ ᐃᓕᓐᓂᐊᖅᑎᑦᑎᓂᕐᒧᑦ ᐱᔪᖕᓇᕐᓂᐊᕋᕕᑦ ᐱᓕᕆᓂᕐᒧᓪᓘᓃᑦ.  ᐱᓕᕆᐊᕗᑦ ᑎᑭᑕᐅᔪᖕᓇᖅᑐᑦ ᐃᓄᖕᓄᑦ ᑎᒥᒥᒍᑦ ᐊᔪᕈᑎᖃᖅᑐᓄᑦ.

(KMTS)-ᑯᑦ ᐱᓕᕆᖃᑎᖃᖃᑦᑕᖅᑐᑦ ᓄᓇᓕᖕᓂᑦ, ᓄᓇᓕᖕᒥᑦ ᑲᑐᔾᔨᖃᑎᒌᓂᒃ, ᐱᓕᕆᑎᑦᑎᔨᓂᒡᓗ.

ᖃᐅᔨᒋᐊᕐᓗᒍ (KMTS)-ᑯᑦ ᐅᑉᓗᖅᓯᐅᑎᖓᑦ ᖃᖓᒃᑯᑦ ᐱᓕᕆᐊᕆᔭᖓᑦ ᐱᒋᐊᕐᓂᐊᕐᒪᖔᑦ ᓄᓇᓕᒋᔭᕐᓂᑦ ᐅᕙᓘᓃᑦ ᓇᓕᐊᖕᓂᑐᐃᓐᓇᖅ ᓄᓇᓕᐅᔪᓂᑦ ᑭᕙᓪᓕᕐᒥᑦ